A Xunta empregará a IA para a busca de emprego

A Xunta vai empregar a intelixencia artificial para cubrir as vacantes laborais en Galicia e favorecer a ocupación das persoas desempregadas. Trátase dun software dispoñible nas 54 oficinas de emprego de Galicia que facilita a conexión entre a oferta e a demanda en tempo real mediante recomendacións baseadas na intelixencia artificial.

O conselleiro de Emprego apostou tamén por flexibilizar a formación para que os traballadores poidan adquirir os coñecementos necesarios para cubrir un posto en pouco tempo.