Cargando resultados...
Abre o prazo de inscrición nos minicampamentos de verán da Xunta
Abre o prazo de inscrición nos minicampamentos de verán da Xunta
As 600 prazas para nenos e nenas de 10 a 14 anos asignaranse por orde de solicitude
G24.gal
12/06/2023 11:27
Última actualización 12/06/2023 11:38
A rapazada de entre 10 e 14 anos xa pode apuntarse, desde este luns, aos minicampamentos Coñece Galicia que organiza este verán a Xunta.
Este ano hai 600 prazas que se van adxudicar por orde de solicitude. O programa ofrece estadías de cinco días en doce hoteis de Galicia.
E en función do destino escollido, os mozos poderán gozar de deportes náuticos, sendeirismo, actividades multiaventura ou de coñecemento do medio rural.
A inscrición hai que facela na web da Consellería de Política Social e Xuventude.
