Adif anuncia un novo paso para vehículos baixo a liña de tren no Barco e a peonalización do actual

Adif construirá no Barco de Valdeorras un novo paso inferior baixo a liña de ferrocarril convencional Palencia-A Coruña para canalizar o tráfico de vehículos entre as rúas Rampa e Ramón y Cajal, á altura da rúa Xirimil, á vez que acondicionará o actualmente existente entre estas vías para convertelo en paso peonil.

A actuación, que Adif acaba de adxudicar por importe de 758.552 euros, busca mellorar a conexión a ambos os dous lados da vía, así como o tráfico e a seguridade viaria ao separar tránsito de peóns e vehículos.

O novo paso inferior será de 10 metros de lonxitude. Este situarase á beira do actual e terá dous carrís, de tres metros cada un, con beiravías dun metro a cada lado. Terá oito metros de altura e tres metros de ancho. Executarase mediante a despregadura dun marco de formigón construído in situ. O paso activo actualmente acondicionarase para converterse en peonil. 

A construción do novo paso inferior enmárcase no convenio de colaboración existente entre Adif e o Concello do Barco de Valdeorras, polo cal xa se construíra outro paso á altura da estación de Adif do Barco.

Adif ultima a renovación integral e electrificación da liña de ferrocarril convencional Lugo-Monforte de Lemos-Ourense, a través dun plan que comprende tamén a remodelación de estacións.