Agroinfluencers: o éxito de contar a terra nas redes sociais

O mundo do campo está a vivir unha etapa nova nas redes sociais grazas ao traballo dos chamados agroinfluencers. Un exemplo é a luguesa Laura Vallejo, que, motoserra en man, traspasa fronteiras contando o seu día a día como operaria forestal. Outro exemplo é o vigués Cé Rodríguez, que dunha horta urbana de só vinte metros cadrados sacou case un millón de seguidores para as súas canles.