Alberto Ferrol: unha cuestión de ilusión, motivación e vida

Alberto Ferrol é un xinete coruñés que participa a partir da próxima semana nos xogos ecuestres paralímpicos en Dinamarca e mira de esguello París 2024. A historia de Alberto Ferrol é a historia das dificultades económicas para cumprir os seus soños. De feito viuse obrigado a buscar financiamento externo.

Ser seleccionado para unha Copa do Mundo é un soño para calquera deportista. Alberto Ferrol toca teito na doma adaptada. Pero hai soños caros, nos que non chega con ser dos mellores. Ferrol ten, ademáis, que poñer cartos. A federación corre cos gastos do xinete e do cabalo en Dinamarca, pero non con dos seu adestrador e o asistente que precisa. As contas non cadran, así que puxo en marcha unha campaña nas redes para recabar axuda.