Alcaraz supera a Rune en tres sets e métese nas semifinais de Wimbledon
Alcaraz supera a Rune en tres sets e métese nas semifinais de Wimbledon
O tie break do primeiro set resultou determinante (7-6, 6-4, 6-4)
Carlos Alcaraz tamén arrasa na herba de Wimbledon. Derrotou a Holger Rune no duelo entre dous dos xogadores máis prometedores do circuíto e meteuse nas semifinais nas que se enfrontará a Medvedev.
O primeiro set definiu o partido. Ningún dos dous xogadores lle deu opción ao seu rival co servizo. Cada un foino mantendo ata un dramático tie break. Unha dobre falta de Rune con empate a 3 non a desaproveitou Alcaraz que viu ese pequeno oco para decidir por 7-6.
No segundo set chegou a primeira ruptura de servizo. Carlos Alcaraz comezou a dominar o encontro, veuse arriba e aproveitou o baixón moral de Rune. Vitoria por 6-4 e repetiu a mesma rutina no terceiro set con outro 6-4 que o mete na penúltima rolda.
