Álex Suarez: "Hai que facer borrón e conta nova. As vitorias chegarán"
Álex Suarez: "Hai que facer borrón e conta nova. As vitorias chegarán"
O ala-pivote obradoirista regresou ás pistas un mes despois
![](https://img-g24-crtvg.flumotion.com/prog24/2022/20220320/MONCHOEALEXOBRA.jpg)
A derrota no Sar do conxunto santiagués ante Unicaja tan só tivo un aspecto positivo: o regreso tas varias xornadas mancado do xogador balear Álex Suarez. Con el falou a Radio Galega nada máis rematar o encontro da Liga ACB desputado onte en Santiago.
"Ben, estou collendo ritmo pouco a pouco. Tentei axudar aos compañeiros. No primeiro cuarto meteron canastras, sacáronnos da pista e logo volvemos, pero xa era tarde. Debemos seguir traballando para que cheguen as vitorias. Debemos facer borrón e conta nova e pensar nos seguintes partidos. Os resultados chegarán".
Durante o encontro, a piques de rematar, un esvaecemento dunha cámara de televisión nas gradas do Sar puxo os nervios a flor de pel pero na propia conexión a pé de pista Alfonso Pardo puido reunir a información suficiente para coñecer que todo quedaba nun susto.