O Leyma Coruña comeza a pretempada ante Porto e Bilbao
O Leyma Coruña comeza a pretempada ante Porto e Bilbao
O equipo coruñés anunciou os seus dous primeiros amigables de cara ao inicio da ACB
O primeiro será o 27 en Caminha, Portugal, e o segundo o 31 en Laredo, Cantabria
Primeiro amigable do Leyma Coruña
A preparación do Leyma Coruña comeza por todo o alto. O conxunto herculino da o tiro de saída da pretempada na que o equipo cargará as pilas para debutar na ACB ante o Porto. Isto será o día 27 en Caminha, Portugal, e o 31, xogará contra o Bilbao Basket en Laredo, Cantabria.
O primeiro partido do proxecto ACB do Leyma Coruña, que se está reforzando no mercado logo de confirmar todas as renovacións, é o día 27 deste mes, ante o Porto. Será en terreo rival, en Caminha, localidade portuguesa pegada á fronteira con Galicia.
No segundo, o do día 31, o contrincante será o Surne Bilbao Basket, equipo consolidado na ACB. O partido será en localización neutral, pero máis preto de Bilbao que da Coruña, en Laredo, Cantabria. Esta segunda proba servirá de baremo para ver como está o equipo ante un rival ao que se enfrontarán na liga.
