O Breogán continúa coa súa posta a punto
O Breogán continúa coa súa posta a punto
O equipo lugués presentou esta mañá a tres novas fichaxes: Charlie Moore, Aleksandar Aranitovic e Éric Vila
É o conxunto que máis incorporacións realizou na Liga ACB
O C. B. Breogán volveu esta semana aos adestramentos e o conxunto adestrado por Veljko Mrsic renovou o seu equipo case por completo.
Nakic, Sahko e o sempiterno capitán Érik Quintela son os únicos xogadores que continúan no club da cidade amurallada. Os celestes realizaron este verán ata 9 incorporacións. Ningún equipo da Liga ACB fichou máis xogadores que o Breogán, que presentou nesta mañá a tres dos novos reforzos: o base americano Charlie Moore, o tirador serbio Aleksandar Aranitovic e o pivote Eric Vila. O interior coñece ben a máxima categoría do baloncesto español, logo do seu paso polo Básquet Girona:
"Estou moi contento por esta oportunidade para consolidarme na ACB".
Moore tamén se amosou encantado por vir xogar a Lugo:
"A ACB é unha das ligas máis duras de Europa e todo comeza por adestrar e obter química como equipo para xogar ben e de xeito intelixente".
Pola súa parte, Aranitovic quixo destacar a súa versatilidade, unha das facetas de xogo onde pode axudar máis aos celestes:
"Podo xogar sen problema en ataque e en defensa".
O equipo lugués iniciou a súa preparación de cara a esta tempada, no que será o seu 4º curso consecutivo na Liga ACB.
