Menéndez asume o descenso do Rácing pero o seu equipo "irá a canón ata o final"
O técnico do Rácing de Ferrol espera que os seus xogadores poidan dar un paso adiante para conseguir un triunfo que daría certa liberación ao grupo
O Rácing de Ferrol resta os días para confirmar o seu descenso matemático a Primeira RFEF.
"A salvación é imposible aínda que non sexa matemática".
"Estamos todos sufrindo polos resultados e a clasificación, iso vai pesando moito".
"Estamos sendo profesionais e a nosa obriga é ir a canón ata o final".
O equipo ferrolán non conseguiu en ningún momento da tempada atoparlle o pulso á competición, nunha campaña para o esquecemento a nivel deportivo.
A pesar da lousa que arrastran os galegos cunha serie de máis de dous meses sen gañar, o conxunto verde ten en mente conseguir un triunfo que lle axude a saír dun bucle negativo ao que acompañan 629 minutos sen facer gol. O próximo rival será o Real Oviedo.
