Rácing e Deportivo queren honrar os seus seareiros cunha vitoria no derbi

O Deportivo volve visitar A Malata dúas temporadas despois. A última foi a do ascenso dos ferroláns, sumidos agora nunha crise profunda de resultados. O Rácing é ademais do menos goleador, o segundo equipo máis goleado da categoría. Coa salvación a 14 puntos, o derbi convértese no partido do ano, e Menéndez pensa nos afeccionados.

Noutro tipo de contas está inmerso o Deportivo. O adestrador gaba a calidade do rival ao tempo que lle marca un reto ao equipo. Gilsanz perde para esta cita dous referentes no lateral, Ximo Navarro e Obrador.