Alfon dispara o Celta Fortuna á fronte da 1ª RFEF e amarga a estrea de Alves
Alfon dispara o Celta Fortuna á fronte da 1ª RFEF e amarga a estrea de Alves
O gol do dianteiro celeste achega o filial ao campionato de inverno nun primeiro tempo no que puideron golear
O Celta Fortuna comeza o ano tal e como rematou o 2023. O equipo de Claudio Giráldez non se cansa de gañar e o triunfo no Anxo Carro diante do Lugo consolida o primeiro posto dun filial celeste que está a piques de acadar o título de campión de inverno.
Chegou un solitario gol de Alfon no minuto 15 para resolver o partido. O equipo vigués foi moi superior na primeira parte en que xerou ocasións dabondo para irse cunha vantaxe maior.
No Lugo estreábase Paulo Alves como técnico e non serviu como revulsivo. O equipo estivo frouxo no primeiro tempo e no segundo, malia a mellora, non acabou de xerar oportunidades de perigo.
Terá moito que mellorar o cadro lucense que se afasta dos postos de privilexio, unhas posicións nas que está moi asentado o Celta Fortuna. De longo, o mellor equipo da categoría ata o de agora.
