Ameazan o presidente de Portugal cunha carta cunha bala dentro
Ameazan o presidente de Portugal cunha carta cunha bala dentro
Rebelo explicou que xa recibira ameazas "unha ou dúas veces" tras asumir a presidencia e varias máis durante a súa etapa anterior como comentarista televisivo
A carta contiña unha bala, un teléfono móbil, un pedido dun millón de euros e unha conta bancaria en que debería ser ingresado o diñeiro, informa un diario portugués
O presidente de Portugal Marcelo Rebelo de Sousa restou hoxe importancia ás ameazas que recibiu mediante unha carta que contiña unha bala e un pedido dun millón de euros e que a policía está a investigar.
"Non lle dou unha particular importancia, isto ocorre, é parte da vida", dixo hoxe o presidente á canle de televisión do Correio da Manhã.
Rebelo explicou que xa recibira ameazas "unha ou dúas veces" tras asumir a presidencia e varias máis durante a súa etapa anterior como comentarista televisivo.
O suceso, agregou, ocorreu hai algunhas semanas, e a carta, anónima, foi remitida á súa residencia oficial, o Palacio de Belém, e foi aberta polos servizos de seguridade, que a remitiron á policía.
Segundo Correio da Manhã, a carta contiña unha bala, un teléfono móbil, un pedido dun millón de euros e unha conta bancaria en que debería ser ingresado o diñeiro.
"A vida continúa e continúo coa miña vida normal. Non hai razón para ningún tipo de alarma nin de preocupación", insistiu o presidente luso. EFE
.png)
