Adiados o Castellón-Rácing e o Valencia-Deportivo Abanca

A Liga e a Federación Española de Fútbol (RFEF) confirmaron o aprazamento dos partidos que debían xogarse na Comunidade Valenciana durante esta fin de semana, entre eles o Valencia-Real Madrid e o Vilarreal-Raio Vallecano, para os que aínda non hai data.

Tras a petición formulada onte pola Liga, a xuíza de Competición da RFEF resolveu favorablemente e aceptou o aprazamento dos partidos da xornada 12 de LaLiga EA Sports e da 13 en LaLiga Hypermotion previstos na comunidade valenciana, a máis afectada pola dana.

A decisión afecta tamén os partidos Castellón-Rácing de Ferrol, Eldense-Huesca e Levante-Málaga e o Valencia-Deportivo Abanca. 

Na súa resolución, a xuíza de competición empraza a Liga e os clubs afectados a que formulen antes do próximo martes 5 de novembro ás 14:00 horas unha proposta con novas datas.

🔴 Aplazados los encuentros que debían disputarse en la Comunidad Valenciana este fin de semana

▪️ Se trata de partidos de diversas competiciones de fútbol 11 y fútbol sala

🔗 https://t.co/zkTr3V49Iz pic.twitter.com/iH7e2cQxXY

— RFEF (@rfef) October 31, 2024