Arrisca a súa vida por intentar salvar un veciño do lume
Arrisca a súa vida por intentar salvar un veciño do lume
Saltou desde o seu balcón do terceiro andar porque cría que o home estaba na casa
Os danos, malia que son cuantiosos, foron só materiais
Gran susto o que se viviu na Coruña no cruzamento entre a avenida de Arteixo e a rolda de Outeiro. Un incendio nunha vivenda obrigou a actuar os bombeiros. E un veciño arriscou a vida por salvar outro residente.
Saltou desde o seu balcón, desde un terceiro andar, ao balcón do seu veciño porque cría que estaba na casa e que podería quedar atrapado polas lapas.
Cun martelo rompeu o cristal, pero unha intensa fumareda impediulle acceder ao interior. Por sorte, o seu veciño saíra media hora antes para facer a compra e na vivenda onde se orixinou o incendio, concretamente na cociña, non había ninguén.
Mentres, os veciños do inmoble, alertados por unha densa fumareda que saía pola ventá do patio de luces, baixaron á rúa para poñerse a salvo.
E mentres tratan de recuperarse, dan grazas pola rápida actuación dos bombeiros e tamén porque os danos, malia que son cuantiosos, foron só materiais.
