As ciclistas galegas devecen polo Gran Camiño feminino

É moi probable que o Gran Camiño que arranca en 2022 teña no futuro unha edición paralela de ciclismo feminino.

Ese é o soño de moitas ciclistas galegas, como a viguesa Carla Fernández, que corre co Team Farto de Pontevedra e que este ano viviu a experiencia de disputar a Volta a España. Carla Fernández entende que o Gran Camiño arranque como vai arrancar, pero confía en que unha proba por etapas de ciclismo profesional feminino en Galicia sexa unha realidade.