As protestas en Bangladesh deixan polo menos 63 mortos nas últimas horas

Tras días de certa calma, a violencia volve ás rúas de Bangladesh. Polo menos 63 persoas, entre elas 13 policías, faleceron nas últimas horas nas protestas contra o Goberno.

Os disturbios, que comezaban a primeiros de xullo para loitar contra un sistema de cotas para empregos gobernamentais, volven gañar forza.

Milleiros de manifestantes saíron á rúa este domingo para pedir xustiza polos máis de 200 estudantes asasinados nas protestas do mes pasado e esixir a dimisión da primeira ministra.

As autoridades responderan a esas protestas co peche de escolas, bloqueos de Internet e toques de queda con ordes de disparar.