Xa se poden reservar as rutas fluviais pola Ribeira Sacra
En 2024 61.000 persoas escolleron esta fermosa viaxe fluvial
A tempada empezará oficialmente o vindeiro 22 de marzo
As rutas fluviais polo Miño e o Sil son das máis concorridas
As rutas fluviais polos ríos Sil e Miño son as que máis viaxeiros moven. Nestas viaxes o visitante admira a Ribeira Sacra e a súa viticultura heroica desde a auga.
Trátase dun paseo que permite ver os bancais coas viñas, os cantís na contorna da hidroeléctrica de Santo Estevo ou o meandro coñecido como Cabo do Mundo.
Unha paisaxe única que o ano pasado escolleron 61.000 persoas. As rutas que circulan polo Miño e o Sil son das máis populares, pero non as únicas. En total hai nove puntos de embarque en sete municipios. Polo momento só se poden reservar os billetes. A tempada arranca oficialmente o 22 de marzo e durará ata decembro. As reservas poden facerse na web, por teléfono ou por correo electrónico.
