Atopan un corpo sen vida aboiando no mar en Carballo
Polo de agora non se sabe a súa identidade
Os tripulantes dun barco de pesca localizaron este mércores un corpo sen vida aboiando no mar. O achado produciuse a dúas millas da praia de Baldaio, en Carballo.
Trátase do cadáver dun varón de mediana idade que foi trasladado ó peirao de Oza, na Coruña.
A falta de autopsia e de identificación oficial, a investigación apunta a que podería ser un veciño de Malpica desaparecido dende o luns.
Ata o lugar acudiron efectivos de Salvamento, Gardacostas, a Garda Civil, Policía Local e Protección Civil de Carballo.
🔴 #AXEGAInforma da localización do corpo sen vida dunha persoa aboiando no mar en Carballo.
— 112 Galicia (@112Galicia) February 19, 2025
📍 Fronte á praia de Baldaio.
➡️ Foi atopado polos tripulantes dun barco de pesca.
🚨 @salvamentogob, @GardacostasGal, @guardiacivil, Policía Local e Protección Civil de Carballo. pic.twitter.com/4dvUUsh4C9
