Aumenta a presenza de carabelas portuguesas na costa norte

As carabelas portuguesas estanse a converter nun serio problema. Especialmente na Mariña. En catro praias de Cervo, Burela e Ribadeo foi preciso izar a bandeira vermella pola presenza desta especie.

E na de Cubelas mesmo se prohibiu o baño.

Tamén foron vistas en Malpica e Carballo. Pero os bañistas non sempre acatan as recomendacións malia que a picada das carabelas é moi dolorosa e incluso pode prexudicar a saúde.