Bagnaia adía o título de Jorge Martín

O campionato do mundo de Moto GP vaise decidir mañá, na última carreira. No esprinte de Barcelona, Bagnaia non lle deu opción a Jorge Martín de facerse xa co título. 

O italiano foi o gañador da carreira desta tarde. E Martín non forzou, conformouse co terceiro posto logo de que Bastianini lle arrebatara o segundo lugar na última volta. Agora o español ten 19 puntos de vantaxe á fronte do mundial. Chégalle con acabar mañá entre os nove primeiros para ser campión mundial aínda cun triunfo de Bagnaia.