Barcelona nun dos seus días grandes: a festa do libro e da rosa

Este 23 de abril celébrase dun xeito moi especial en Barcelona.
O Sant Jordi deste ano volveu bater marcas. Os barceloneses botáronse á rúa nunha xornada na que o tempo acompañou.

Rúas ateigadas e afluencia masiva para cumprir coa tradición e chegar á casa cun libro e unha rosa. A festa de hoxe foi a da plena recuperación despois da pandemia. Este domingo foi, en Barcelona, a culminación dunha semana grande, na que lectores e escritores se deron cita co atractivo engadido dos descontos.

E, por suposto, non faltaron as rosas.