Besteiro elude posicionarse sobre a ordenanza das vivendas turísticas de Compostela

Esta tarde debaterase no pleno do Concello de Santiago unha ordenanza para ilegalizar 600 pisos turísticos que non contan con licenza. O PSdeG de Compostela xa avanzou a semana pasada que se absterá na votación, polo que non sairá adiante.

Sobre este tema preguntáronlle en Ourense ao secretario xeral dos socialistas galegos. Xosé Ramón Gómez Besteiro limitouse a lembrar as medidas adoptadas polos socialistas para restrinxir os pisos turísticos en Compostela.