Borrell afirma que cómpre "ampliar" o sistema de sancións a Irán para facelo "máis eficaz"
Borrell afirma que cómpre "ampliar" o sistema de sancións a Irán para facelo "máis eficaz"
Reclama "moderación" para evitar calquera escalada porque "estamos ao bordo dunha guerra rexional" con repercusións mundiais
O xefe da diplomacia europea subliñou a necesidade de intensificar o apoio militar a Ucraína e pediu de novo que Israel non leve a cabo o ataque a Rafah
O alto representante da UE para Asuntos Exteriores e Seguridade, Josep Borrell, á súa chegada á reunión de ministros de Asuntos Exteriores do G7 na illa italiana de Capri (AFP).
O alto representante da UE para Asuntos Exteriores e Seguridade, Josep Borrell, dixo que hai que "ampliar" o sistema de sancións contra Irán para "facelo máis eficaz" á súa chegada á reunión de ministros de Asuntos Exteriores do G7 en Capri, sur de Italia.
"O sistema de sancións contra os compoñentes para fabricar drons e mísiles iranianos xa existe", pero que "hai que revisalo, amplialo e facelo máis eficaz", asegurou.
Tamén pediu "moderación" para evitar calquera escalada porque "estamos ao bordo dunha guerra rexional" que advertiu que podería ter repercusións no mundo e especialmente en Europa.
O xefe da diplomacia europea subliñou a necesidade de intensificar o apoio militar a Ucraína e pediu de novo que Israel non leve a cabo o ataque a Rafah
Por outra banda, Borrell referiuse á guerra en Ucraína e subliñou a necesidade de que os países europeos envíen a Kiev os mísiles Patriot e os sistemas antimísiles.
"Non podemos confiar só nos Estados Unidos, temos que asumir a nosa responsabilidade. Temos os Patriots, temos os sistemas antimísiles, temos que sacalos do almacén e envialos a Ucraína, onde a guerra está a intensificarse, e estou seguro de que o faremos rapidamente", explicou.
Borrel agregou que é necesario "apoiar a Ucraína máis rápido e mellor, ofrecendo cobertura aérea ao territorio" e subliñou: "a situación é tráxica, os ucraínos loitan e seguen defendéndose, pero necesitan que se lles fornezan armas".
"Non podemos permitirnos a vitoria de Putin", aseverou.
Ademais, pediu de novo que Israel non leve a cabo o ataque a Rafah, na Franxa de Gaza. "En Rafah hai 1,7 millóns de persoas na rúa, sen posibilidade de defenderse e escapar", dixo.
"Debemos apoiar a Israel, e demostramos que o facemos non só de palabra, xa que durante o ataque iraniano os mísiles e drons foron derrubados grazas á capacidade militar dos EUA, Francia e Gran Bretaña, pero debemos resolver o problema palestino-israelí tendo en conta tamén os dereitos dos palestinos", destacou.
.png)
.png)