California loita contra 17 incendios forestais no medio dunha vaga de calor extrema

California traballa na extinción de dezasete incendios forestais no medio dunha vaga de calor que afecta os estados do oeste dos Estados Unidos.

O máis importante, que afecta ao condado de Santa Bárbara, ao norte dos Ánxeles, xa arrasou máis de dez mil hectáreas e obrigou a evacuar centos de veciños.

Máis de mil bombeiros están despregados para intentar evitar que as lapas cheguen a varios ranchos da zona, entre eles Neverland, que pertenceu a Michael Jakcson.

No leste dos Ánxeles continúa activo outro incendio forestal que obrigou a desaloxar a estación de esquí do monte Baldy.