Casan en Portomarín logo de coñecerse hai tres anos facendo o Camiño
Casan en Portomarín logo de coñecerse hai tres anos facendo o Camiño
Víctor é de Zaragoza e María, de Valencia, pero quixeron casar en Galicia
Din que pensan volver á vila do Miño sempre que poidan
Esta escaleira na entrada de Portomarín é unha das imaxes máis recoñecidas do Camiño de Santiago. E algo terá de especial porque aquí foi onde se viron por vez primeira Víctor e María. Tres anos despois daquel primeiro encontro en plena pandemia, decidiron regresar aquí para casar. E eso que ningún deles é galego. De feito, a pedida de man foi neste mesmo punto onde se coñeceron.
"Levamos tempo con estes preparativos. É de tolos, pero non estou nerviosa".
"Non houbo problemas para que veñan todos os invitados".
Víctor é de Zaragoza e María, de Valencia, e residen na capital aragonesa. Malia a distancia, non dubidaron en facer vir ata Galicia os seus familiares e achegados para a cerimonia. Tan só as avoas quedaron na casa para evitarlles a viaxe. E é que casar no Camiño é para eles un acto cargado de simbolismo, como demostran as frechas da ruta que teñen tatuadas.
"Dende que nos coñecemos, viñemos todos os anos a Galicia".
"Estamos encantados de que se coñeza a nosa historia".
Á voda, que terá lugar na igrexa de San Xoán, asisten máis de 100 convidados, que xa se deixan ver por Sarria e Portomarín.
