Cataluña encara a recta final da campaña coa incógnita dos pactos de goberno
Cataluña encara a recta final da campaña coa incógnita dos pactos de goberno
O candidato do PSC, favorito nas enquisas, non fala de preferencias, pero si descarta apoios
O presidente da Generalitat e candidato de ERC advirte das posibles consecuencias dun pacto que prexudique o seu partido
No penúltimo día de campaña electoral desembarcan en Cataluña os líderes nacionais dos principais partidos, mentres os candidatos afrontan a incógnita dos hipotéticos pactos tras os resultados do domingo.
O candidato do PSC, favorito nas enquisas, non fala de preferencias, pero si descarta apoios: "Falarei con todos, menos cos partidos que practican discursos de odio. Creo que necesitamos un goberno estable, aberto a chegar a acordos que xeran estabilidade na lexislatura, eu teño unha formulación socialdemócrata", explica Salvador Illa.
O presidente da Generalitat e candidato de ERC advirte das posibles consecuencias dun pacto que prexudique o seu partido. "Un acordo incoherente no Parlament engadiría moitas dificultades á colaboración que existen no Congreso dos Deputados, pero non é escenario probable. O probable é repetir a presidencia republicana".
Para o líder do PP, a fórmula independentista está acabada. "Non hai separatismo bo, nas súas distintas formas sempre trae pobreza e división. A nosa maneira de querer a Cataluña é traballando para que lidere España". Núñez Feijóo aproveitou a xornada de campaña para presentar a candidatura do Partido Popular ás eleccións europeas.
