Catro feridos ao incendiarse un avión nun aeroporto de Corea do Sur

Polo menos catro persoas quedaron feridas este martes durante a evacuación dun avión Airbus A321-200 da aeroliña Air Busan que se incendiou no aeroporto internacional de Gimhae, na cidade de Busan, no sueste de Corea do Sur.

Os bombeiros indicaron que o avión, que debía partir cara a Hong Kong, se incendiou na cola antes de engalar cara ás 22:26, hora local (13:00 GMT), e que os 169 pasaxeiros e 7 membros da tripulación foron evacuados mediante un tobogán de evacuación.

Os operarios tardaron preto dunha hora en apagar as lapas, que se estenderon por toda a fuselaxe do aparello.