Celta Fortuna e Arenteiro, na busca da vitoria ante rivais de diferente entidade
Celta Fortuna e Arenteiro, na busca da vitoria ante rivais de diferente entidade
O filial celeste busca gañar á Ponferradina para acadar o terceiro posto na táboa
Os ourensáns visitan o Taraona, coa necesidade de vencer para soñar co playoff
Para o Celta Fortuna cambiou o vento e en dúas semanas marcharon as dúbidas e viñeron as vitorias. Este serán buscan a terceira consecutiva diante do equipo que os precede na clasificación, a Ponferradina. Partido importante na zona alta da táboa. E ollo ao average, xa que na primeira volta gañaron os do Bierzo por 2-1. A partires das sete poderán seguilo na nosa segunda canle.
Unha hora despois será a quenda do Arenteiro. O polbo mecánico visita o Tarazona co obxectivo de gañar e seguir a soñar co playoff de ascenso. O Tarazona anda apurado e ocupa postos de descenso. Na primeira volta o partido no Espiñedo rematou 1-1, co empate in extremis do Arenteiro, que rescatou un punto na compensación.
