Repítese o éxito de vendas na segunda xornada da centola en Lorbé

Achégase o Nadal e estamos en tempos de centola. En lugares como Lorbé é algo máis ca unha boa coincidencia.

O sábado pasado esgotáronse en cuestión de horas as centolas que tiñan reservadas para dous días de xornadas gastronómicas. Iso obrigou a Confraría de Pescadores a trasladar a segunda xornada a este sábado.

Volveron as ringleiras e repetiuse o éxito da semana anterior. Uns foron buscala para consumo inmediato e outros xa fixeron abastecemento para o Nadal.