Chega ao Obradoiro o escolta Rigoberto Mendoza
Chega ao Obradoiro o escolta Rigoberto Mendoza
O xogador dominicano acaba de facer media de 14 puntos na NBA G League
Eduardo Pascual, director deportivo do club: "Fichámolo para un rol importante"
Outro reforzo exterior para Moncho Fernández. O conxunto santiagués faise co escolta dominicano Rigoberto Mendoza.
O xogador de 31 anos provén dos México City Capitáns da NBA G League, onde a tempada pasada mediou 14 puntos, 5,3 rebotes e 3,7 asistencias. Todo isto con boas porcentaxes nos tiros: 55.8 % en tiros de dous, 39.5 % nos triplos e 82.9 % en libres.
O escolta xogou na República Dominicana, Porto Rico, Arxentina, México e unha breve experiencia europea no Maccabi Haifa e no Iraurgi Saski Baskonia de Azpeitia na LEB Plata.
Mendoza súmase a Washington e a Pol Figueras como as fichaxes para a rotación exterior do Obradoiro.
