Cinco horas de balonmán en Pontevedra, na festa organizada pola Federación Galega

Un ano máis, o balonmán galego pecha o ano cunha festa que desta volta terá por sede o pavillón dos deportes de Pontevedra. Desde as cinco e media da tarde e  ata as dez e media da noite, os afeccionados poderán gozar dos concursos de especialistas, un concerto ofrecido polo grupo Broken Peach e o partido mixto das estrelas.

O presidente da Federación Galega, Bruno López, estivo con Xoán Galán achegando os principais detalles do evento, que terá ademáis carácter solidario a beneficio do banco de alimentos.