Citan 2.260 veciños do Grove a un cribado pola escalada de positivos

As autoridades sanitarias convocaron por SMS 2.260 veciños ao cribado do Grove. Todos de entre 60 e 79 anos.

O peneirado organizouse ante a escalada de positivos que se está a rexistrar no concello, con 38 casos diagnosticados nos últimos catorce días, o que con pouco máis de 10.500 veciños representa unha incidencia acumulada de 361 infectados por cen mil habitantes.

O cribado, que se desenvolve na Casa da Terceira Idade do Corgo en horario de mañá e tarde, continuará este domingo.