Desaloxado un edificio de Bertamiráns por mor dun incendio
Desaloxado un edificio de Bertamiráns por mor dun incendio
O lume orixinouse nun garaxe comunitario situado no soto do edificio e afectou tres vehículos
O incendio quedou xa controlado, e os servizos de emerxencia desaloxaron o inmoble e os traballadores dun supermercado por seguridade
Os servizos de emerxencia traballaron esta mañá na extinción dun lume orixinado nun edificio de Bertamiráns, no concello coruñés de Ames. Máis dun cento de veciños dos dez portais que conforman o edificio tiveron que ser desaloxados.
O lume iniciouse contra as 8:10 da mañá deste xoves no garaxe comunitario dun edificio que alberga ademais un supermercado. Hai tres vehículos calcinados e outros moitos afectados.
"Cando chegamos nós chegamos ao menos 2 e estaban ardendo tres coches xa daquela e nada, a nosa intervención consistiu en asegurar a zona, mirar que non houbera ningunha persoa que puidera quedar no garaxe", explicaa Óscar García, dos Bombeiros de Boiro.
O incendio quedou xa controlado, e os veciños do edificio e os empregados do supermercado, puideron volver xa a normalidade.
Ata o lugar desprazáronse efectivos da Policía Local de Ames, Garda Civil, Protección Civil de Ames e o GES de Brión.
