Cargando resultados...
Falece a muller rescatada na Coruña tras incendiarse a súa vivenda
A vítima, de 35 anos, tiña graves queimaduras por todo o corpo
O lume prendeu no cuarto onde durmía a muller
G24.gal
08/04/2025 11:25
Morreu a muller de 35 anos que na noite do domingo sufriu un incendio na súa vivenda da Sagrada Familia, na Coruña.
Os bombeiros rescatárona inconsciente e con queimaduras do interior do seu piso. Foi trasladada ao hospital, onde finalmente faleceu pola gravidade das lesións que presentaba.
Foi un veciño o que deu a voz de alarma, ao ver gran cantidade de fume saíndo polas fiestras da casa.
A Policía investiga agora as causas do incendio.
