Primando a conservación do patrimonio, moitas confrarías readaptan as procesións
Priorizan conservar as imaxes ante o risco de que poida chover
As imaxes e pezas que saen en procesión son dun valor único e, ás veces, irrecuperables se se mollaran
A chuvia, ademais de estragar os pasos, tamén aumenta o seu peso e complica o traslado para os portadores
As procesións da Semana Santa son unha oportunidade perfecta para admirar o patrimonio cultural das cidades. As imaxes e os pasos que saen procesión son únicos e de gran valor.
Por iso é tan importante que se protexan en caso de chuvia, por exemplo.
Moitas confrarías teñen o que chaman protocolo da chuvia. A prioridade é a boa conservación das pezas.
Horas antes das procesións, entre outras cousas, nas confrarías falan da chuvia e tratan de predicir se chegará ou non.
Se chega, van ter que cancelar a procesión da Piedade que sae desde hai vinte anos da igrexa de San Francisco na Coruña. Se chove, o acto será dentro do templo, a cuberto.
O patrimonio é moi valioso, pero, tamén, é capital garantir a seguridade dos portadores das imaxes nas procesións.
Uns pasos que, é habitual que haxa que retocar ao longo do ano para que estean a punto na Semana Santa.
A Carmen, tocoulle, entre outras pezas, restaurar nunha ocasión a imaxe da Borriquilla de Ferrol. Era escaiola.
Din nas confrarías que Semana Santa hai cada ano pero que as pezas son únicas.
