Claudio Giráldez: "Temos claro o camiño para gañar ao Real Madrid"

Claudio Giráldez e Carlo Ancelotti compareceron na conferencia previa ao partido de octavos de final da Copa do Rei que enfrontará ao Real Madrid co Celta. O adestrador do conxunto galego transmitiu confianza e seguridade en pasar a eliminatoria contra os blancos: "Todos os equipos teñen debilidades e temos claro o camiño para gañarlles". Ademais, afirmou que tentarán levarse a vitoria con todas as súas forzas: "Imos convencidos de que vamos facer un moi bo partido e de que imos ser capaces de pasar a eliminatoria".

Pola súa parte, Ancelotti fixo fincapé na importancia de reaccionar despois da derrota fronte ao Barcelona na Supercopa: "Espero que o equipo teña unha reacción forte contra un equipo que xoga ben". O italiano asegura que buscaron as solucións para mellorar: "Temos que seguir adiante empezando polo partido de mañá".