Pablo Martínez, sobre a posible baixa de Yeremay: "Está moi centrado no equipo"

O nome de Yeremay está na boca de todos os xogadores do Deportivo. Un dos de máis peso no vestiario, o francés Pablo Martínez, falou desa posible marcha á que se referiu o propio xogador canario despois do encontro contra o Málaga. 

"Falo con el todos os días, pero non do equipo ao que se vai ir. Falamos do partido que segue, e está moi centrado no equipo", asegurou o xogador que levou a braceira de capitán na Rosaleda. "É un pracer velo xogar e adestrarse, hai que aproveitarnos del mentres estea aquí", asegurou Martínez, que concluíu: "Oxalá o gardemos o máis posible". Os xornalistas seguiron interrogando o central, que recoñeceu que "se marcha un dos mellores xogadores do equipo, sería unha merda, pero nós non podemos facer nada máis que estar centrados no partido do Burgos".