Compostela e Salamanca asinan o empate na batalla do Helmántico (2-2)

Gran partido o que xogaron no Helmántico dous dos mellores equipos do mes de novembro nesta Segunda Federación. O Salamanca e o Compostela igualaron (2-2) despois dun comezo espectacular.

Antes do minuto quince os espectadores xa viran tres goles. Dous de Caramelo para o conxunto local e o de Samu Rodríguez para o Compostela. Nun gran escenario e diante de moito público os dous equipos deleitaron aos seareiros. O definitivo empate marcouno Jesús Ocaña xa no segundo tempo e coa súa perna mala, a dereita. O cadro santiagués segue sumando puntos e encadea seis xornadas sen perder.