O Compostela devece pola Copa Federación (hoxe mércores, 20:00, G2 e AGalega.gal)
O Compostela devece pola Copa Federación (hoxe mércores, 20:00, G2 e AGalega.gal)
Xoga diante do Estremadura en Almendralexo
Pode gañar un título estatal e unha importante cantidade económica (90.000 euros)
Carlos Cinta coñece moi ben o rival: "As finais non se xogan, gáñanse"
O Compostela afronta este mércores a final da Copa Federación. Xogará en Almendralexo diante do Estremadura, outro histórico do fútbol español que desapareceu en 2022 e tenta rexurdir das súas cinzas. En dúas temporadas colocouse na Terceira Federación e ten un equipo de primeiro nivel para acadar o ascenso á 2RFEF. O partido poderá verse en directo na G2 a partir das 20:00 horas.
O equipo santiagués pasa por un bo momento despois de sumar 10 dos últimos 12 puntos no campionato ligueiro e saír dos postos de descenso. O problema de chegar tan lonxe na Copa RFEF (xogar mércores e domingo durante case dous meses) pasou factura na Liga pero, reconducida a situación, agradecen estar nesta gran final na que ademais dun título oficial poden conseguir unha importante cifra económica para o club.
O pacense Carlos Cinta marcou o gol que puxo o Compostela nesta final.
"As finais non se xogan, gáñanse. A ver se volvemos co título".
"Xogadores que actuaron en categoría superior. Bo equipo que opta a subir este ano".
"Almendralexo é futboleiro pero dá igual o factor campo".
