Corenta anos e experiencia en operacións de trombos e aneurismas

O Código Ictus é un protocolo que se activa miles de veces ao ano en Galicia, cada vez que se ten noticia dun accidente cerebrovascular.

Ante un trombo ou un derramo é imprescindible actuar a tempo para evitar que a perda de rego cerebral deixe secuelas.

Atentos a cada incidencia, con gardas de 24 horas, están os neurorradiólogos dos tres hospitais galegos de referencia, o da Coruña, Vigo e Santiago, onde as tromboectomías son xa unha práctica cotiá que se resolve con éxito.