Detido un home en Ferrol que transportaba no seu vehículo 3,5 quilos de cocaína
Detido un home en Ferrol que transportaba no seu vehículo 3,5 quilos de cocaína
O individuo era un dos "principais provedores de drogas da cidade"
Droga intervida no vehículo (Policía Nacional)
A Policía Nacional detivo un home en Ferrol como presunto autor dun delito contra a saúde pública por transportar no seu vehículo, que contaba con dobres fondos, 3,5 quilos de cocaína.
Segundo informou o corpo policial, foi a UDYCO, en coordinación con diferentes unidades policiais, a que comezou a investigación hai uns meses, na que identificaron a un individuo que "fornecía significativas" cantidades de droga a narcopisos e asentamentos da cidade de Ferrol e transportaba a substancia estupefaciente en vehículos. Neste contexto, este martes os axentes detiveron ao individuo, un dos "principais provedores de drogas á cidade", no barrio de Canido.
Durante a inspección do vehículo detectaron que contaba con dobres fondos para transportar mercadoría ilícita e, nun deses compartimentos, localizaron 3,5 quilos de cocaína. O home foi posto á disposición xudicial, decretándose o seu ingreso en prisión.
