CovidBens confirma que ómicron é a variante predominante na área da Coruña
CovidBens confirma que ómicron é a variante predominante na área da Coruña
Ómicron acaparaba o 66 % da carga viral nas augas residuais nas mostras da semana pasada
Os investigadores estiman que a día de hoxe debe andar xa polo 80 %
As análises dos investigadores do proxecto CovidBens confirman que ómicron é xa a variante do coronavirus que predomina na zona da Coruña. Representa o 66 por cento da carga viral presente nas augas residuais. Son datos das mostras recollidas a pasada semana.
Os investigadores están convencidos de que agora mesmo a incidencia da ómicron é moito maior. Margarita Poza, coordinadora do proxecto CovidBens, opina que xa se debe andar polo 80 %.
Ómicron está impulsando con forza a sexta onda da pandemia nesta área sanitaria, igual que acontece en todo o mundo.
Poza afirma que "noutras cidades europeas xa se viu que en menos dun mes ómicron acadou a porcentaxe máxima. Coas medidas adoptadas e un pouco de precaución por parte dos cidadáns pode ser que vaia baixando. Pero polo de agora non. De feito, a carga viral que vemos agora é a máis alta que vimos nunca"
