Cs advirte de que non negociará cambios na reforma laboral

A líder de Cs, Inés Arrimadas, deixou claro que non ten "nada" que negociar con Pedro Sánchez sobre a reforma laboral e que a condición que poñen para votar a favor é que non se toque "nin unha coma" do texto pactado polos axentes sociais e que nin ERC nin  Bildu "saquen un milímetro da súa chantaxe".

Nestas esixencias insistiu Arrimadas en declaracións aos medios tras acudir a un almorzo informativo, cando apenas queda unha semana para que se vote a  convalidación do decreto sobre a reforma laboral.

O portavoz do partido laranxa, Edmundo Bal, dixo tamén que este martes falou no Congreso co ministro da Presidencia, Félix Bolaños, a quen lle transmitiu este mesma mensaxe.

A finais desta semana ou a que vén, explicou, Bolaños chamaralle para confirmar o apoio de Cs "nestas condicións, sempre que non se empeore a reforma laboral por parte dos nacionalistas e independentistas".