David Mella renova co Deportivo ata o 2029

David Mella demostra o seu compromiso co Deportivo co que renovou ata o 2029. Malia que remataba o seu contrato en 2026 (aínda lle quedaba ano e medio) no club movéronse para atar á perla da canteira diante dos cantos de serea que hai por parte de equipos de superior categoría ou doutros países. 

Mella (2005) sempre foi un adiantado ao seu tempo. Sendo cadete proclamouse campión de España xuvenil con Óscar Gilsanz como adestrador. Debutou no seu primeiro ano xuvenil co Fabril e desde o ano pasado está asentado no primeiro equipo. O ano pasado foi peza fundamental no ascenso. Desde que entrou no equipo titular o Deportivo non fixo máis que subir na clasificación. E este ano, na súa estrea no fútbol profesional con só 19 anos, é titular indiscutible (xogou 13 partidos, todos como titular) e foi capaz de adaptarse a varias posicións.