Dende este luns pódese descargar o Bono Deporte

Os pequenos deportistas federados xa poden descargar o bono de 120 euros para mercar con desconto nas tendas e clubs adheridos. 

Deste Bono Deporte da Xunta poden beneficiarse os rapaces nacidos desde o ano 2008. O prazo para descargalo esténdese ata o 29 de febreiro, ou ata que se esgote o orzamento, que ascende a máis de 16 millóns de euros. Unha vez teñamos o bono dixital, podemos gastalo ata xullo.

Os destinatarios son os menores entre 6 e 16 anos que practiquen algún deporte con licenza de federado ou do programa Xogade.

Pódese gastar en máis de 700 establecementos comerciais e entidades deportivas.

O obxectivo das axudas, promover o deporte entre os máis novos. A Xunta estima que se poderán beneficiar uns 135.000 rapaces.