Detido no concello ourensán de Padrenda un menor acusado de enaltecemento do terrorismo xihadista

Na Audiencia Nacional decidiron o internamento en réxime pechado durante tres meses do adolescente de 16 anos que foi detido o martes no concello ourensán de Padrenda por adoutrinar e enaltecer o terrorismo xihadista. Está acusado de adoutrinamento a terceiros a favor do Daesh, autoadoutrinamento e enaltecemento do terrorismo, todo isto en liña.

Na operación do grupo antiterrorista da Policía Nacional rexistraron a vivenda do mozo, e tras a supervisión da letrada do Xulgado de Bande, trasladaron o menor a un centro de reforma de Madrid.

O mozo actuaba como lobo solitario no seo dunha familia totalmente normalizada, e pasaba horas e horas en Internet consultando o ideario islamista radical.