Soben a carto os mortos ao derrubarse un edificio en Marsella
Soben a carto os mortos ao derrubarse un edificio en Marsella
A principal hipótese é unha explosión por unha fuga de gas
Desaloxaron ata 32 inmobles da zona, por seguridade, e hai algo máis de 160 evacuados
Os servizos de rescate buscan oito persoas desaparecidas entre os cascallos
Os equipos de emerxencias recuperaron outros dous cadáveres entre os entullos do edificio que se derrubou na cidade francesa de Marsella, o que aumenta o balance de falecidos confirmados a catro, mentres que outras catro persoas seguen desaparecidas.
"A procura desenvólvese con prudencia porque a esperanza de atopar sobreviventes aínda está presente. Os bombeiros levan a cabo un traballo extremadamente minucioso. É un traballo longo, difícil", afirmou o secretario de Estado de Vivenda francés, Olivier Klein.
A derruba afectou inicialmente a 33 veciños, dos que 6 tiveron que ser trasladados ao hospital. Cinco atopábanse en estado de "gravidade relativa", e outra persoa de idade avanzada tivo que ser ingresada en estado de shock.
Posteriormente, a necesidade de desaloxar ata 32 inmobles da zona, por seguridade, deixou algo máis de 160 evacuados.
