Dous mortos e tres feridos ao caer un guindastre no porto de Xixón

Dous traballadores faleceron e outros tres quedaron feridos, un deles de gravidade, ao esborrallarse un guindastre do porto xixonés do Musel, segundo as primeiras informacións achegadas a EFE polos servizos de rescate.

O accidente tivo lugar tivo lugar cara ás 11:07 horas por causas que se descoñecen no peirao da Osa, onde os dous guindastres caeron sobre parte da plataforma.

Ata a zona desprazáronse varios equipos de Bombeiros de Xixón para colaborar nas tarefas de rescate e procura, xa que nos primeiros momentos barallábase que un traballador puidese caer ao mar.

O Servizo de Atención Médica Urxente (SAMU) desprazou ata o porto varias ambulancias e UVI móbiles, unha das cales trasladou ao traballador que presentaba feridas máis graves ata o Hospital Universitario Central de Asturias, en Oviedo.

Outra UVI móbil trasladou a outro dos feridos ata o Hospital de Cabueñes, en Xixón, con prognóstico reservado, mentres que unha ambulancia de soporte básico trasladou ao terceiro empregado ao mesmo centro sanitario con feridas de carácter leve, segundo datos achegados polo SAMU.