Dúas persoas hospitalizadas en Vigo por mor dun incendio nun piso

Dúas persoas foron trasladadas ao hospital onte á noite en Vigo por mor dun incendio nun piso da localidade que calcinou por completo unha habitación e causou danos en todo a vivenda por efecto do fume.

As lapas orixináronse nun cuarto do segundo andar, e colleron tal forza que saíron pola fiestra acadando andares superiores.

Ese cuarto quedou completamente calcinado e o resto do piso sufriu danos polo fume e a calor. Sucedeu no centro de Vigo, na rúa Brasil, sobre as once da noite pasada.

Foron varios veciños os que alertaron os servizos de emerxencias e mesmo un dos inquilinos da vivenda relataba que escoitara unha explosión.

Dúas persoas tiveron que ser trasladadas ao hospital e varios veciños, coa axuda da Policía Local, abandonaron o edificio mentres os bombeiros procedían á extinción do lume. Uns traballos que se prolongaron durante unhas dúas horas. 

Grazas a estas comunicacións activáronse os correspondentes protocolos de xestión para a mobilización dos Bombeiros de Vigo e dos axentes da Policía Local.